Charlie my true love u kliem iehor ghal taht il-hmura

CHARLIE MY TRUE LOVE U KLIEM IEĦOR GĦAL TAĦT IL-ĦMURA


STRADA STRETTA EVENTS b'kollaborazzjoni ma' Valletta 2018 Foundation, jippreżentaw CHARLIE MY TRUE LOVE U KLIEM IEĦOR GĦAL TAĦT IL-ĦMURA Lejla ta' qari intimu dwar il-ħajja notturna u dak kollu li jaħbi l-lejl, ma' Immanuel Mifsud.




Għal dawn l-aħħar sentejn Immanuel Mifsud żamm appuntament mal-qarrejja tiegħu b'lejliet ta' qari live f'lokalitajiet differenti. Il-postijiet varjaw minn knejjes qodma, night clubs, il-kampus tal-Università u anki f'xelter tal-gwerra. 

CHARLIE MY TRUE LOVE U KLIEM IEĦOR GĦAL TAĦT IL-ĦMURA tkompli din is-sensiela, did-darba fl-Isplendid fi Strada Stretta, nhar il-Ġimgħa 7 ta' Awwissu, fid-9pm. Dakinhar Mifsud se jaqra xogħlijiet relatati ma' Strada Stretta u ma' bliet u nħawi oħrajn li fihom toħroġ l-intimità tal-ħajja notturna u dak kollu li jaħbi l-lejl. 

CHARLIE MY TRUE LOVE U KLIEM IEĦOR GĦAL TAĦT IL-ĦMURA se tieħu lill-udjenza fi ljieli differenti b'sett ta' kitbiet dwar it-toroq l-imwarrba, id-distretti tad-dwal ħomor, il-pjazez vojta, id-dlam u d-dwal baxxi.

DĦUL B'XEJN.

Date: 7th August 2015
Time: 2100hrs
Venue: Splendid, Strait Street, Valletta





Immanuel Mifsud ħareġ diversi kotba ta' proża u poeżija. Fl-2002 rebaħ il-Premju Letterarju bil-ktieb L-Istejjer Strambi ta' Sara Sue Sammut, u fl-2014 reġa' ħa l-istess premju għall-ktieb Penelopi Tistenna. Diversi xogħlijiet tiegħu ġew tradotti u ppubblikati f'lingwi oħrajn, fosthom il-ktieb Fl-Isem tal-Missier (u tal-Iben) li wara li rebaħ il-Premju Letterarju tal-Unjoni Ewropea fl-2011 ġie ppubblikat bl-Ingliż, bir-Rumen, bil-Maċedonu u l-Franċiż.

Comments

Popular posts from this blog

Joseph Calleja 20th Anniversary concert with Andrea Bocelli

Ministry of Sound with Legendary DJ Fedde Le Grand Is Coming To Malta

Fatboy Slim at Café del Mar